《小传日记》香江市喺连升5日后,今日(5日)反覆下跌,但埋单跌幅唔算大,而且成交减少,反映沽压唔大。恒指散场时挞75点收17438,成交249亿银。 鱼缸后退,两位重磅大只佬亦冇运行,只象(0005)虽然连日成为空军目标,但愈升愈有,而空军亦唔敢怠慢,半日即逢上两亿几银弹,搞到只象破顶后再难寸进,仲徐徐下跌添。 不过,雷曼一早挂上几十个牌,搭棚式撑到行,再加埋法国佬帮手,只象最终亦保不失。心水清老友昅到,以往雷曼去到尾段至蒲头撑大象,今日就晨吉已经密密挂入,认真尽力。至于同样被空军狙击嘅中移(0941)就冇咁好彩,最后退三毛半。 *招行成焦点鱼缸遭冷待,四叔与彤叔齐话要入飞* 其他大只佬亦唔多掂,联想(0992)虽然获美人睇好,而美人仲话联想值4蚊添,可惜只股今日就发软蹄,唔见4%。而即将除息的中电(0002)再创新高,逆市行前5仙。 近排缸边焦点全都落喺一众新丁之上,「球衣王」永嘉(3322)仍未登场,但认购反应「墟冚」,要成12手先至稳中一手。小传有个客仔「入飞」5手都中一手,佢当然好高兴,仲话唔见三蚊唔会走喎。 至于未公开招股就成谈论焦点的招行(3968),据传预留一成水位俾拥趸添,咁识做唔怪得连「无宝不落」嘅彤叔同四叔都话要「入飞」啦。招行好评如潮,姊妹招商局(0144)亦水涨船高,逆市弹高近2%。 *油价再回落中石化风骚,骏威放榜前拥趸先开车*乡 深沪鱼缸今日就各走各,而当中G招行就好威风,撑起半个?6跄乇呔秃糜簿唬諉眨罚埃埃肮芈ド吓腔玻⒊∈敝煌耍保暗闶眨罚埃玻埂? 花旗噚晚(4日)劳动节假期休市,油魔唯有转战英伦,可惜仍未能扭转劣势,噚日油魔喺英伦大挞逾2%。油魔战事再失利,石化股当然开心啦,中石化(0386)承接上日劲势,再前进一仙;但油股就好闭翳,中石油(0857)喺除息前未能息诱缸边友,后退6仙。 睇番招行,H股招股进行得如火如荼,据悉国际部分已录得15倍的超购,睇嚟招行H股会带起另一次新股热潮。招行火热,可惜其余三间同业就反应不大,交银(3328)同埋建行(0939)分别后退1仙同两仙,至于中行(3988)就原地踏;唔通拥趸要换预留弹药入飞? *屋漏逢夜雨佐丹奴急挞,南联玩私有复牌即抢高* 其他国货亦各有各走,比亚迪(1211)获「金手指」惠理增持,拥趸们当然高兴,在下周放榜前走前8%。而呠呠车骏威(0203)是日派成绩表,但就表现轻松,放榜前已有进帐,散场时冲前2%。 股仔方面,早排获东瀛「便服王」垂青的佐丹奴(0709),「便服王」因后者业绩倒退,决定「退婚」,可怜佐丹奴刚被「抛弃」,其小飞象T恤亦发现「有问题」而需要回收,可谓「祸不单行」,今朝当然难逃被掟命运,散场时大挞一成一。 牛牛(2319)食饭时以靓靓成绩示人,盈利踢高39%,虽然唔派息,但已得到拥趸们掌声,只股午后顺利破顶,吹鸡时踢高8%。老牌纺织股南联(0098),以5﹒5银玩私有,以全日最高位5﹒34收市,足足升咗四成四。 *低吼周年股必有番斩获?万人迷落选英足损失重* 上实(0363)上市10周年,噚日好开心搞咗个Birthday Party,班拥趸仲开心,事关嗰价连续两日大踏前。心水清老友话,不妨吼低吸纳「周年股」,必有一番收获喎;好似只百年老店利丰(0494)同庆祝钻禧嘅国泰(0293),最近曾分别升上新高。老友仲话间公司有喜事,个价点都唔会差得去边。 八吓波经,森巴继日前友赛大炒「宿敌」阿根廷3:0后,一众效力莫斯科球会嘅森巴新兵均有好表现,而由新师邓加领军嘅森巴,周中将于热刺主场白鹿径球场,出征威尔斯国家队,据邓帅话「细哨」背部肌肉拉伤已经康复,仲明将会上阵咁话。 另边厢,英军近日虽大炒鱼腩球队5:0,但当地传媒就关注「万人迷」碧咸落选国家队嘅影响,而《泰唔士报》仲话英军唔拣碧咸,等于唔见咗大棵「摇钱树」,将令英国足总损失近5亿英镑财源喎。请请? 侗嗾甙础繁纠杆崖藜慈杖让糯牛┫⑽淳な担毒猛ā芬嗖槐Vつ谌葜既沸? 本文只供参考之用,并不构成要约、招揽或邀请、诱使、任何不论种类或形式之 申述或订立任何建议及推荐,读者务请运用个人独立思考能力自行作出投资决定 ,如因相关建议招致损失,概与《经济通》、编者及作者无涉。作者声明:在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。 |