《小传日记》今日系黑色星期五，而将个日期２＋０＋０＋６＋１＋０＋１＋３，又系１３，真系点止Ｂｌａｃｋ Ｆｒｉｄａｙ咁简单。不过，小传一向唔迷信，深信「只要心情好，日日系吉日」。讲开又讲，唔知系咁啱抑或其他原因，小传发觉，今日喺报纸刊登嘅公司通告，真系比平日少咗喎。 讲番个市，今日唔单止唔系Ｂｌａｃｋ Ｆｒｉｄａｙ，仲简直系Ｔｈｅ Ｂｅｓｔ Ｆｒｉｄａｙ添。承着美股升上新高，香江今日一开出嚟已经破万八，之后喺高位徘徊，恒指散场踢高１１５点报１７９８８，可惜未能收高于万八，成交多番啲有４０２亿银。 期指系Ｂｌａｃｋ Ｆｒｉｄａｙ出现一个好巧合的现象，今日同噚日的总成交，咁跷都系３２９８９手，当中有唛玄机，真喺要认真哋去念一念。 ＊大象变飞象拍住中移上，屋仔玩割价地主冇心机＊ 鱼缸创新高，始终要靠班超级大只佬，今日只象（０００５）摇身一变成飞象，虽然换来空军轰炸，但攻势明显收歛，难怪飞象亦视空军如无物，继续破顶，散场时足足踢高１蚊。至于成为空军头号通辑嘅中移（０９４１）亦唔输蚀，踢高１％多；而和黄（００１３）亦有５毛进帐；三位大只佬共为鱼缸进帐９３点。 鱼缸大踏前，但班地主佬就唔够齐心，除咗因为花旗息魔去向未定外，南丰旗下慧云峰割价２０％，而花旗邦亦好唔客气，预期屋仔市场会有更多坏消息出笼，仲估计明年楼价只会平稳发展，咁搞法难怪班地主佬都冇乜ｍｏｏｄ啦。四叔（００１２）后退近１％，而将于下月初推盘的新地（００１６）亦冇表现，向后踏两毛半。 ＊油组未减产油魔无力挽，中石油俏升周一数据靓？＊ 深沪鱼缸虽然报捷，但升幅有限；香江场国货就冇留力，再次跃进；除咗油股大员够落力之外，中字派金融股起动，散场时踏前３９点报７３３０。 花旗发布上周能源数据，虽然原油库存继续高高高，但作为取暖燃油的蒸馏油库存就意外地减少１６０万桶，油魔闻讯即作反扑，可惜油组一直都未能为减产达成协议，而花旗能源部长仲踩多脚，话就算油组减产，非油组成员会填补空缺，搞到油魔反击乏力，续喺５８美金下游走。 油魔稍稍回勇，班油股大员就借势起舞，中石油（０８５７）纵使被瑞信减持，但只股今日就好风骚，踏前１％，班Ｆａｎｓ似乎预炒周一（１６日）营运数据会有好消息喎。而中海油（０８８３）就踢高２％。查实近排油股大员都唔愿意跟随油魔跌下去，而今早更借势反弹添，唔通代表油股们已见底？ ＊工行影子股各自各精彩，财险好风骚皆因有大摩＊ 工行（１３９８）周一起招股，周日（１５日）开记招，公布招股详情。睇番工行嘅「影子股」，继续玩轮流炒作，早排就由半新丁招行（３９６８）独领风骚，而近日就系由交行（３３２８）抢尽风头屡创新高，噚日轮到建行（０９３９）追落后，今朝除咗见建行异动外，中行（３９８８）亦跟势炒高，两行更雄据成交榜冠亚军添，散场走前２％同１仙。 至于保险三宝亦跟大围踢高，财险（２３２８）获大摩增持，难怪今日咁风骚，行前２％；而平保（２３１８）就获细摩祝福，亦行前５仙；而龙头国寿（２６２８）就原地踏。 ＊帮衬德永佳为捧刘天王，周日银袋日莎莎小踏前＊ 金属份子就各走各，噚日大跃进的钢材股亦见压力，特钢（２８８９）先涨后回３％。而江铜（０３５８）开发加国岩矿，只股就踢高３％。另边厢，北辰（０５８８）下周其Ａ股将登场，Ｈ股呢边就挞着，弹高半成。 德永佳（０３２１）搵到刘天王做代言人，小传都买多咗佢哋啲衫，希望可以着到好似刘天王咁型咁靓仔。Ｂａｌｅｎｏ喺下个月５号，喺会展搞咗个刘天王音乐会，但凡买满４００蚊，就可以获赠换票券一张。隔离靓太ＡＥ一向系刘天王嘅Ｆａｎｓ，虽然佢日日都着套装，但知道咁「笋」之后都心思思，话要去拣番啲Ｃａｓｕａｌ Ｗｅａｒ喎? ⌒瞧谌眨ǎ保等眨┫瞪�莎妇女银袋日，当日去沙田马场，将获赠粉红色「幸运银袋襟针」，睇番莎莎（０１７８）个价，散场只微升一格，以示预祝。假期愉快，请请� 侗嗾甙础繁纠杆崖藜慈杖让糯�闻，惟消息未经证实，《经济通》亦不保证内容之准确�? 本文只供参考之用，并不构成要约、招揽或邀请、诱使、任何不论种类或形式之 申述或订立任何建议及推荐，读者务请运用个人独立思考能力自行作出投资决定 ，如因相关建议招致损失，概与《经济通》、编者及作者无涉。

作者声明：在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。