《小传日记》噚晚（６日）花旗扭转连跌六日高高收；嗰边弹逾百点咁威威，香江又点可以失礼。鱼缸一开波就趁住银号减息，毋视有大只佬趁市旺停赛搞批荡，轻易上破万九，仲一度高见１９１６１高位添。个市升升升，睇到班缸边友眼都凸埋；但３点半过后，缸边突然传出中移（０９４１）搞批荡，淡友即时发难，搞到升幅几乎尽失。

恒指散场时升２点报１８９３９，成交活跃有５１７亿银。 ＊位高忧势危成败也中移，１０１批荡地主好少理＊ 查实市场近排久唔久都会传吓中移搞批荡，但以今次最具「威力」，个市「雀」声唔见咗百几二百点，中移（０９４１）散场跌２﹒４％，足足拖低指数１０５点。好彩另一只大只佬大象（０００５）力抗空军，踢高８毛兼破顶。 至于地主佬方面，有减息撑实，纵使恒隆地产（０１０１）唔生性搞批荡，亦完全无减班地主佬嘅兴致；超人（０００１）同大好友（００８３）双双破顶，分别飙前２％同８％，而新地（００１６）同彤叔（００１７）亦见镬气，皆炒高逾３％。至于有屋仔寒署表之称嘅美记（１２００）亦好风骚，抽高一成一。 提起减息，噚日狮子银行突然出招后，宝哥哥（００２３）同中银（２３８８）就话要「追着来打」，齐齐减啦，但两股就各走各，前者有一毛半进帐，而后者就比较失礼，逆市后退１％有多。至于小象（００１１）到今日至公布跟随减息，只股再度破顶，冲前１％，似乎要追落后喎。 ＊国货续上涌表现算唔曳，中石化破顶惜无以为继＊ 人行虽然踢高个存款准备金率，但对深沪鱼缸影响近乎零，当地鱼缸今日就进行整固，但国货就动力十足，突破９７年以来的高位，继续往上涌，至尾段跟随大市回顺；散场时仅踢高３７点报７７５３。 班镬铲友担心尼日利亚产油设施继续成为袭击目标，而油组成员之一嘅沙特亦出口术，话下月ＯＰＥＣ会议有机会再度减产云云，呢两个消息成为推动油价的动力。油魔噚晚成功取回６０美金关口，抽高逾１％。 油魔连续两日作出反击，可惜班油股大员就我行我素，未有全部跟随，中石油（０８５７）进军非洲业务获拥趸们支持，只股再踢高１％；而只中海油（０８８３）就比较弱，亦唔见１仙。至于噚日强势毕露嘅中石化（０３８６），今朝破顶后无以为继，倒跌４仙。 ＊银号似泄气交行保强势，一拖踩行油认真冇失拖＊ 再睇番国货银号同保险股，普遍都先升后回；至神勇系名嘴至爱嘅交行，散场时仍升１％。另边厢，中移近日咁强横，亦带旺埋一众同业，网通（０９０６）同中电信（０７２８）齐齐炒落后，行前近７％，而后者仲一度创新高添。 其他中字股仔亦见异动，就如早前领风骚的电力份子亦叉足电，除咗中国电力（２３８０）因批荡而开倒车外，大唐（０９９１）同华润电力（０８３６）亦携手创新高，踢高４％同３％。此外，钢材股仔亦唔失礼，马钢（０３２３）Ａ股发可换债后，Ｈ股呢边即时破顶，走前３％，而鞍钢（０３４７）同时表演破顶技俩，吹鸡时踏前逾１％。 另边厢，祖国３Ｇ测试正进行得如火如荼，班电讯设备份子当然好高兴，中兴（０７６３）同中国无线（２３６９）分别抢升４％同３％有多。股仔方面，一拖（００３８）今日就踩行油，成交急增突破两蚊，最终冲升９％。 ＊楷楷去报名令人多遐想，地铁推珍藏贵得够经典＊ 美国《时代》周刊选出过去６０年５６位亚洲英雄，其中好多都系我哋熟悉嘅，好似已故领导人邓小平、武打巨星李小龙同喺任内成立ＩＣＡＣ嘅前督爷麦理浩。另外，仲有喺商场举足轻重嘅李超人、利丰（０４９４）嘅冯国经、冯国纶兄弟，以及喺体操坛上同商场都咁掂嘅李宁。 楷楷今日去报名，参选选委员嘅资讯科技界别。佢话，希望选出一位关心呢个界别嘅特首，又话仲未肯定系咪会支持煲呔喎。咦！楷楷唔系卖八号仔咩？点解仲喺资讯科技界嘅？唔通单刁真系有变数？楷楷话，佢除咗八号仔之外，仲有好多业务都系同资讯科技有关嘅。既然系咁，我哋亦无谓太多揣测啦? 『檬犊�源嘅地铁（００６６）推出经典组件珍藏，包括有退役车轴轴承并刻有型号连同一个实木座，仲有车务总监亲笔签署同埋印有限量版编号嘅证书一张添，每套卖１８８８蚊。地铁话今次只系限售１５０套，而首５０名成功订购嘅会员，更可以带同一位亲友喺明年１月２７日参观车厂添。不过，１８８８银，好似「贵」咗啲喎。请请� 侗嗾甙础繁纠杆崖藜慈杖让糯�闻，惟消息未经证实，《经济通》亦不保证内容之准确�? 本文只供参考之用，并不构成要约、招揽或邀请、诱使、任何不论种类或形式之 申述或订立任何建议及推荐，读者务请运用个人独立思考能力自行作出投资决定 ，如因相关建议招致损失，概与《经济通》、编者及作者无涉。

作者声明：在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。