《小传日记》大市噚日（６日）玩完过山车后，今日（７日）玩跳水。早市鱼缸仲好好地，喺万九点水平上上落落。午后回来，外围虽然仲系好硬净，但香江就每下愈况，最终大挞１８３点收１８８４２，成交５００亿银。 鱼缸冇运行，两位大只佬成为「罪魁祸首」，只象（０００５）因为业务前景曳，个别专家更踩多脚，搞到只象连日向后退，今日喺空军紧盯下，唯有再退１蚊。

只象咁弱，小传有个客反而好开心，话等佢跌穿１４０蚊就攞个箩出嚟喎。至于中移（０９４１）就更加丑怪，有机构投资者大手减持，只股难免受压，挞２％，仲跌穿个配售价６３﹒８元添；两位大只佬令到鱼缸唔见１２８点。 ＊散户密密等只象跌深啲，中移批旧股谁人是沽家？＊ 讲开中移呢转批荡，涉嫌成份最重嘅，当然系揸重４５００万股嘅光大（０１６５）啦，但光大已经否认，咁又系边个沽出呢？而今次既然光大唔系主角，淡友就乘机解读为下一转就轮到佢哋减持，搞到只股一度急跌近４％。 个市插水，地主佬亦有责任，超人（０００１）见压力，后走２％，而彤叔（００１７）亦乘机小休片刻，后退８仙。就连四叔（００１２）都要抖抖气，虽然阳光入缸如箭在弦，今日仲开埋记者会添，但仍向后退１％有多。另边厢，噚日表现靓靓嘅和黄（００１３）原来只系昙花一现，今日后退１％。 睇番中字银号，今日就认真唔齐心，连日好省镜嘅建行（０９３９）都要歇一歇，回吐２％。至于工行（１３９８）就玩逆市，唔单止有高佬撑场，而且仲有穆迪出声赞好，只股今日亦显强势，逆市踢高１％有多，认真威威。 ＊楷楷虽增持拒上顺风车，深沪各走各国货玩后退＊ 八号仔喺楷楷连日增持下，今日早段继续系威系势，点知个市一插水就立即无以为继。小传班客有好多都系八号仔嘅「蟹民」，虽然见到楷楷日日买啲，但一啲都冇心动；有个客话，个市有千几只正股，单系大只佬都有３６只，大把股票可以博喎。 讲开八号仔，佢哋最近好威威，喺零售管理协会「神秘顾客计划」中，攞到电子及电器店组别服务领袖。只八号仔日日畀「蟹民」怨，今回攞番个奖，都算系有啲「安慰」啦。 深沪鱼缸今日各走各，而国货就默默跟随香江呢边，逐步后退，连８７００点亦关口亦一度失守，散场时后退８９点报８７０９。 近排祖国地主佬炒作人仔高高高消息，纷纷起舞，只华润置地（１１０９）今日再次破顶，踏前７仙，而其他一直落后的股仔亦跟势发力，沿海家园（１１２４）今日再度破顶，弹高７％；至于绿城（３９００）亦唔失礼，破顶式滑前１％。 ＊中石油硬净多得只细摩，积层板登场攞个安慰奖＊ 噚晚花旗再次发布上周能源库存数据，虽然原油同期油库存都出乎意料减少１１０万桶，本应对油魔有利，可惜班镬铲友就坚信花旗气温将回升，喺好淡因素互相抵销下，油魔俏俏后退，但仍稳企６２美金水平。 油魔未有明确去向，但油股大员就各走各，中石油（０８５７）喜见细摩以实际行动支持，只股逆市靠稳，原地踏步。另边厢，中石化（０３８６）就比较失礼，虽然佢哋有意向妈咪购入油田资产，但只股今日就脚软软，向后退７仙。 今日新丁积层板（１８８８）正式亮相，只股今朝亦顺利高开，见８﹒７银，但远低于缸边传的暗盘价１０银，惟最终仍有１６％进帐，总算对拥趸们有交代；若然只系得一手，扣埋使费都有一餐茶。囝囝登场对妈咪建滔（０１４８）亦有刺激，可惜踢高后就向下沉，最终倒跌１％。 ＊金界终反弹益安再炒高，飞机维修库后年中落成＊ 异动股方面，金界（３９１８）早排潜水后今早一度跌穿１蚊，但好快就见拥趸护航，止跌回升，最终仲有９％进帐添。计划改名嘅益安（００８２）就第二日炒高，踢上１４％收市。潮流兴炒３Ｇ，益安早排收购手机电视业务，是以日日被追。 八吓其他料，本港第二个飞机维修库今日动土，呢个由中国飞机服务外资３亿银兴建嘅维修库，预计后年中落成，可同时维修一架波音７４７同Ａ３２０客机，到时仲会聘请２００名员工添。睇番一向做开独市嘅港机（００４４），股价无受影响，散场升近１％。 多哈亚运港队增添多一面金牌，认真威威。为港队取得第二面金牌嘅乒乓孖宝李静同高礼泽，喺男双决赛，面对国家队嘅马琳同陈??，双方喺雅典奥运曾经交手，当时港队落败屈居亚军，今次亚运，就轮到港队赢番一仗。请请? 侗嗾甙础繁纠杆崖藜慈杖让糯�闻，惟消息未经证实，《经济通》亦不保证内容之准确�? 本文只供参考之用，并不构成要约、招揽或邀请、诱使、任何不论种类或形式之 申述或订立任何建议及推荐，读者务请运用个人独立思考能力自行作出投资决定 ，如因相关建议招致损失，概与《经济通》、编者及作者无涉。

作者声明：在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。