《小传日记》AH玩背驰寿仔搞边科?细摩频唱淡好友冇运行!

《小传日记》寿仔（２６２８）今日（９日）Ａ股登场，可以话系全城焦点。Ａ股果然不负众望，搞到Ｈ股呢边亦好风骚，开波冇耐就「几乎」想玩破顶。点知Ａ股愈行前，Ｈ股就愈打倒褪。寿仔唔多掂，成个场气氛当堂逆转。

恒指国指齐齐由升转跌，恒指散场报１９８９８，跌１３１点；国指仲伤，唔单只失守万关，仲系以接近全日低位收市。今日成交保持畅旺，有６２７亿银，寿仔排首位有成５７亿银。 ＊鱼缸风浪急成败看寿仔，兴业上Ａ股小象玩破顶＊ 寿仔ＡＨ背驰，搞到小传个客冇晒心机，仲「猛闹」细摩睇１７蚊。个客原本Ｓｅｔ好目标３０蚊收割，结果梗系失望而回啦。不过佢话仲可以睇多一日喎，祝佢好运啦? №�完寿仔再睇一众大只佬表现。近排地主佬频频挞着，但细摩又「咁啱」出嚟唱淡，佢预计今年屋仔市场仍然会好沉闷，最多只有单位数字增长，班地主佬闻言即时冇晒Ｍｏｏｄ；除咗彤叔（００１７）同四叔（００１２）未见倦意继续破顶外，其他地主佬普遍发软蹄，而撑起差唔多半个一手楼市嘅超人（０００１）同新地（００１６）就入后波，后退逾１％�? 细摩除咗品评屋仔场外，佢对银号们亦好唔客气，今日就出报告唱衰只大象（０００５）、中银（２３８８）同永亨（０３０２）；当中除咗只象比较失礼后退７毛外，中银同永亨就一于好少理，拒绝调整；仲连同宝哥哥（００２３）同埋小象（００１１）齐齐「骚ｑｕａｌｉ」，踢高１％至４％不等，当中小象更因为揸住嘅兴业银行上Ａ股表演破顶添。 ＊太古意向高好消息出货，１０１抽上终于威番转＊ 太古「意向」以天价每尺「三皮」放售赤柱两间大屋，估计可套现５００球；只股噚日极为风骚，但拥趸就借好消息出货，今日回番１％。而近排枕住被质嘅恒隆（０１０１）就喺跌市威番转，散场升４％。 再睇番国货场，寿仔唔多掂，连带两保都唔掂。国货拥趸都归咎细摩个报告；细摩将寿仔ｓｅｔ到１７蚊，认真唔畀面。虽然法国佬其后出声力撑寿仔，寿仔最终仍挞逾４％；而同样获法国佬睇好嘅平保（２３１８）亦唔掂，后退４％。至于财险（２３２８）亦受累，挞逾６％。 「三保」冇运行，「五行」亦受影响，今日沽压持续，似乎阿爷出手调高准备金率仍未完全消化喎，「五行」中除咗招行（３９６８）转稳外，其余四行分别跣低１％至３％。 ＊油组出口术似已无力挽，原材料好景重钢最夸张＊ 油魔形势令人忧虑，搞到油组（ＯＰＥＣ）成员国之一嘅委国要「出口术」，佢哋仲话计划召开紧急会议，希望能够稳定油价添。可惜花旗气候因素盖过一切，搞到油魔再次撤军，虽然幅度有限，守住５６美金关口，但颓势毕现。 油魔唔争气，但总算喘稳，中石油（０８５７）守稳１０蚊关口果然有运行，今日就乘机反攻，走前４仙；而中海油（０８８３）就向后踏１仙。中石化（０３８６）就获细摩增持，只股先跌后回升，冲前逾１％。 近排油金先后出现大挞，但对钢铁类股份冇乜影响，马钢（０３２３）获细摩增持，只股今日即挞着，破顶式冲前４％，而重钢（１０５３）升得仲激，飞高近一成八兼破顶。至于中铝（２６００）就被高佬睇淡，高佬话中铝只值４蚊添，难怪只股咁失威，向后退６仙啦。 ＊经济续增长满意度下降，气温将回升明有１８度＊ ＩＭＦ话香江旧年经济有６﹒８％增长，今年就有５﹒４％。虽然好多预测都话香江经济会继续好景，但系一项调查就指出，香江经济信心指数连续两季下跌。新论坛访问近２０００名市民，以１００分为合格，佢哋嘅「经济信心指数」只有９６﹒８分，较去年同期下跌２﹒９分。按阶层划分，除中产阶层外，上层同基层嘅信心指数均下跌。新论坛话，结果反映市场气氛同经济指数上扬，未能完全改善市场嘅经济同消费信心。 另边厢，港大最新嘅民调，访问咗１０００名市民，佢哋对经济、社会同政治环境嘅满意程度大幅下跌。满意目前社会环境嘅人有４３％，比起半年前减少１４个百分点，而满意经济环境同政治环境嘅，就分别有４６％同２９％，分别减少约１０个百分点。咦！煲呔要谂谂计喎? ∠憬�冻咗几日，个场有几个ＡＥ都伤风，但近排个市风高浪急，唯有一路包云吞一路昅住台机啦。天文台话，香江冻埋今日，未来两日气温会回升，听日（１０日）气温介乎１３至１８度，周四（１１日）最高气温会有１９度添！祝大家身体健康，请请? 侗嗾甙础繁纠杆崖藜慈杖让糯�闻，惟消息未经证实，《经济通》亦不保证内容之准确�? 本文只供参考之用，并不构成要约、招揽或邀请、诱使、任何不论种类或形式之 申述或订立任何建议及推荐，读者务请运用个人独立思考能力自行作出投资决定 ，如因相关建议招致损失，概与《经济通》、编者及作者无涉。

作者声明：在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。