搜狐网站
搜狐 ChinaRen 17173 焦点房地产 搜狗
搜狐财经-搜狐网站
财经频道 > 证券频道 > 港股大势

《小传日记》中移玩回吐大市即脚软,A股急插水寿仔难抬头

《小传日记》鱼缸近排表面牛气冲天,但来来去去都系由中移(0941)「玩晒」,真系唔多健康,是以噚日小传都品题话「中移撑全场,是喜还是忧?」果然今日个市就嚟转大唞气。噚晚(24日)花旗鱼缸开快车,但香江就借住祖国鱼缸回吐呈单日转向,恒指散场挞151点收20669,成交518亿银。

*大象纵努力无力挽跌市,地主佬脚软皆因只美人* 先睇近排威风八面嘅中移,噚日饱受空军狙击,再加上未能冲破80蚊心理关口,亦要循例回一回气,散场时退近2%,拖累恒指唔见成80点。至于只象(0005)今朝就有意接捧成为缸边支柱,可惜淡友午后突然发难,只象升幅亦告收窄,最终只行前6毛。 美人为一众地主佬「把脉」,佢预计今年屋仔市场价格只系会温和向上,仲扫低埋班地主佬嘅盈利预测添;唔怪得班地主佬冇晒Mood啦;超人(0001)、四叔(0012)、新地(0016)同彤叔(0017)齐齐后退,分别跌1%至2%。 鱼缸冇运行,唔少大只佬亦走下坡,港所(0388)失守90蚊后续向下走,最终挞2%有多;而今日成为空军狙击目标嘅富士康(2038)亦后退逾1%。 个市大挞,但总有跌市明花,包括愈减持愈有嘅思捷(0330),同通街都系蟹货嘅八号仔。 *祖国经济强最怕搞宏调,A股场唔掂国货跟到足* 祖国经济增长强劲,继续有双位数字增幅,旧年GDP全年增长10﹒7%。数据公布后,有内地专家话「应该加息」喎,喺「息魔」阴霾笼罩下,深沪鱼缸今日即现回吐,上海A仲挞4%添。A股唔掂,香江市唔掂,国货场边亦唔掂,国指散场时挞148点收9864。 近排油魔止跌回稳,全有赖花旗官府突然话要增加战略原油储备所致,背后系咪政治动机已经唔重要,最重要系唔少镬铲友都相信油魔可能转势,有望继续反弹。而噚晚公布嘅能源库存亦对油魔影响不大,睇嚟短期真系要昅实「薯仔」嘅言论先至得。 油魔噚晚只录得些微进帐,班油股大员就继续各走各,中石油(0857)整日唔上唔落,散场时原地踏,但只油田(2883)喺瑞士佬又扫又挂之下,升近2%。油魔回稳,中石化(0386)即后退1%有多。 *财险升得激跌得一样急,欧资捧寿仔两钢遇沽压* 五行全线下跌,而近日持续呈强嘅招行(3968)就跌得最急,挞3%,交行(3328)。另边厢,保险一族仍然备受压力,就连近排飙到无影嘅财险(2328)亦急回。美人就出声话估值过高,仲大大声叫大家「Sell」添,只股今日即挞8%。平保(2318)亦后退1%。 寿仔(2628)仍然唔掂,续后退3%。寿仔唔掂,揸「重」佢个客梗系冇晒心机!不过,心水清老友来电,个客就至啱听。老友话,噚日寿仔成交119球货,有30球系某欧资大行入嘅,仲话平均价系24﹒1添,反映只股低位已渐有承接云云。 钢铁股仔亦唔多掂,近排气势如虹嘅马钢(0323)同重钢(1053)都遇沽压,前者食晏前突然急堕,散场挞7%,而后者亦挞6%;至于鞍钢(0347)破顶后甚反覆,最终仍有一毛进帐。 *濠赌见异动奥玛仕最夸,怕食错油鱼真鳕也滞销* 濠赌股见异动,濠江博彩收益正式超过花旗赌城,荣登全球冠军地位,个别濠赌股闻讯即起舞;银娱(0027)踢高3%,而奥玛仕(0959)CB获悉数行使,今日即飙前五成八。不过,赌王囝囝(0200)就被大摩睇淡,只股唯有后退6仙。 八吓其他料,百记油鱼当鳕鱼愈闹愈大,有食肆负责人话,由于顾客惊食错「油鱼」,连真嘅鳕鱼呢两日都少人问津。消委会就期望百记可以为已经购买油鱼嘅顾客,提供合理嘅调解方案,又希望官府能够尽快订修强制食品回收法例。而海关助理关长谭耀信就话,正同食物安全中心研究,系咪引用商品说明条例检控百记油鱼当鳕鱼卖。 近排嘅热门话题,除咗百记啲「鱼扒」之外,就系地铁(0066)九龙塘车站入闸机「唔觉意」嘟多咗钱。今日地铁嘅事务经理王小姐喺电台峰烟节目再「沙冧」。佢话公司已经作出检讨,并加强监察闸机运作是否正常。佢仲话有问题嘅入闸机除咗多扣车资外,亦发现少收咗97张八达通嘅车资,款额约162蚊,但系地铁就唔会追番有关款项嘅。请请? 侗嗾甙础繁纠杆崖藜慈杖让糯牛┫⑽淳な担毒猛ā芬嗖槐Vつ谌葜既沸? 本文只供参考之用,并不构成要约、招揽或邀请、诱使、任何不论种类或形式之 申述或订立任何建议及推荐,读者务请运用个人独立思考能力自行作出投资决定 ,如因相关建议招致损失,概与《经济通》、编者及作者无涉。

作者声明:在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。

用户:  匿名  隐藏地址  设为辩论话题

我要发布Sogou推广服务

新闻 网页 博客 音乐 图片 说吧  
央视质疑29岁市长 邓玉娇失踪 朝鲜军事演习 日本兵赎罪
石首网站被黑 篡改温总讲话 夏日减肥秘方 日本瘦脸法
宋美龄牛奶洗澡 中共卧底结局 慈禧不快乐 侵略中国报告



说 吧更多>>

说 吧 排 行

茶 余 饭 后更多>>