《花絮》林世荣新年玩「正字」,猪年祝人「知足」兼「猪乐」!

《花絮》恒丰金业（０８７０）主席林世荣一向出名风趣幽默，妙语连珠，而送礼畀人都爱「玩字」，好似以前送一个叫「终身幸福」的钟畀客仔，迟啲又话要推一个叫「升官发财」的棺材产品。 今年系猪年，林博士送礼之余，当然要继续呢个传统啦，顾客第二时喺「金至尊」买满３８００大元，就获送赠一只像真度达９０％，成只狗仔咁大的猪仔摆设。

呢只猪仔有特别名堂，叫「知足常乐、猪乐常笑」喎。林博士话「知足」听落去同「猪足」差唔多，所以就索性玩谐音罗，亦希望啲客仔见到呢只笑眯眯的猪仔，自己都会成日咁开心喎。 讲开「玩字」，林博士又自爆早前去北京，同中国国家博物馆馆长见面，对方送咗一张明信片畀佢，上面印住一个周朝的艺术品，系两条龙骑住一只猪，原来呢个艺术品就系喻意「猪龙入水」，而香港人一直将写法搞错，写成「猪笼入水」，但林博士就好心水清，话猪笼根本就入唔到水，所以早排推出的「猪龙入水」产品系列就无写错，潮流兴玩「正字」，估唔到林博士都咁ｉｎ喎。（ｃｎ）

作者声明：在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。