《小传日记》全球一条船成败看神州,唐唐派粒糖嗒落都几爽!

《小传日记》神州市噚日（２７日）大插水，全球股市有样学样，小传今朝（２８日）一觉醒来，几乎畀花旗吓亲，而香江市亦吓到散晒，大市裂口低开之后，最凄嘅时候跌过七百几点；好彩唐唐果然派糖，而深沪市拗腰式抽升近４％，港股喺低位见支持。

恒指散场跌４９６点，收１９６５１；国货场亦喘稳，国指由低位８９７８点抽上，散场报９２８３，跌３０２点。大市惊涛骇浪，成交亦大跃进，全日成交有８０５亿银，打破历史纪录。 ＊大只佬投降只只都咁伤，华创好后劲反弹力惊人＊ 鱼缸急插，大只佬无一幸免。中移（０９４１）有法国佬唱好，只股今朝险守７０蚊后借势反扑，跌幅逐步收窄，散场时挞３％，又系唛系约百三点；至于只象（０００５）仍然系「稳阵派」，散场只退约１％。和黄（００１３）袋鼠国３Ｇ业务亏损增加近四成，惟大围要跌，只股即挞２％。 唐唐打算降低细价楼嘅物业印花税，只系象征式收１００蚊，又免两季差饷，可惜对班地主佬刺激有限，超人（０００１）、四叔（００１２）同新地（００１６）各挞３％至４％，而彤叔（００１７）有意加价３％－５％推旗下楼盘，惟大市要跌，只股今日亦退４％。众多地主佬之中，大好友（００８３）相对较稳，散场跌２％。 其他大只佬方面，港所（０３８８）虽获细摩增持，但就见到空军猛力轰炸，只股即挞６％。华创（０２９１）同利丰（０４９４）虽然一度急坠逾一成，但好快就作出反弹，最终只向后退１％同４％。 ＊高佬唔畀面踩低中石油，铁鸟与船仔齐齐打倒褪＊ 睇完大只佬，再睇国货场，噚日祖国鱼缸急滑，震撼整个金融市场，就连油魔、金市、汇市亦受影响；有镬铲友话深沪鱼缸急挫，最惊系代表神州经济增长放慢，从而降低原油同商品需求。油魔噚晚一度向后撤，但汽油期货走高，为油魔增添动力，油魔最终有寸进。 油魔靠稳未能成为油股大员嘅助力，中石油（０８５７）惨被高佬调低盈利预测同目标，只股即时冇晒心机，仲一度失守９蚊添，挞３％，而中石化（０３８６）同中海油（０８８３）亦受压，各挞３％同近２％。 油价重返６０美金后，铁鸟族同船仔股都冇运行，国航（０７５３）同东航（０６７０）分别飞低逾２％，至于早排火热嘅船仔股亦打倒褪，外运（０５９８）同远洋（１９１９）继续后退，下跌半成同３％。 ＊Ａ股明登场平保难独善，金价插插插金银铜当殃＊ 重磅中字派未能幸免，「五行三保」跌幅甚大，将会喺下月加入恒指大家庭嘅工行（１３９８）同寿仔（２６２８），虽然Ａ股反弹，但Ｈ股呢边仍然唔掂，当中寿仔更一度失守２０蚊添，两者散场时皆挞３％。平保（２３１８）听日（１日）Ａ股登场前亦冇运行，挞２％。交行（３３２８）继续寻底，散场跌３％。 金价噚晚大挞，紫金（２８９９）灵宝（３３３０）分别唔见半成，而江铜（０３５８）同中铝（２６００）分别跣低３％同７％，而鞍钢（０３４７）被细摩减持，挞６％。至于重钢（１０５３）Ａ股首日狂飙近倍，但Ｈ股呢边就反高潮，后退２％。 虽然系大跌市，但总有跌市奇葩嘅，只汁汁（１８８６）急插近一成后拗腰向上，散场力保不失；只工银亚洲（０３４９）就有花旗祝福，话要睇２３蚊，又传佢炒私有，散场升２％。 ＊唐唐预算案今次最阔绰，煲呔与袋巾舌战在明天＊ 讲番呀唐唐份Ｂｕｄｇｅｔ，今次系佢第四份Ｂｕｄｇｅｔ，亦都系佢做得最「阔」嘅一份；又加仔女免税额，又有新生仔女免税额（搞到小传都几乎想生多个添），至正就系免交两季差饷，同退税万五蚊。虽然唐唐冇减股票印花税，小传有小小失望，但今次派粒糖都算几Ｓｗｅｅｔ，小传都要拍手掌。 有分析话唐唐份Ｂｕｄｇｅｔ唔够高瞻远触，亦有批评话佢系为咗煲呔连任做势。对于呢啲问题，唐唐只系甜笑，仲话份Ｂｕｄｇｅｔ只系还富于民。今日重头戏睇唐唐，听日就轮到煲呔同袋巾公开辩论；喺「驳火」前夕，港大公布最新民调结果；佢哋喺上月底，成功访问咗约１０００人，当中认为由煲呔出任行政长官嘅合适程度评分系６８﹒５分，而袋巾就得４４﹒４分。假设市民可以参与投票，７４％受访者话会投畀煲呔，投畀袋巾嘅就只得１４％。请请? 侗嗾甙础繁纠杆崖藜慈杖让糯�闻，惟消息未经证实，《经济通》亦不保证内容之准确�? 本文只供参考之用，并不构成要约、招揽或邀请、诱使、任何不论种类或形式之 申述或订立任何建议及推荐，读者务请运用个人独立思考能力自行作出投资决定 ，如因相关建议招致损失，概与《经济通》、编者及作者无涉。

作者声明：在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。