《花絮》刘锡康搵精通「马语」专家陪靓虾王出赛,最后赢咗头马!

《经济通专讯》升冈国际（０４８５）主席刘锡康出咗名系爱马之人，手上有多只以「虾王」命名的名马，而当年「靓虾王」亦为佢赢倒不少彩金。 原来「靓虾王」到海外比赛时曾出绝招，令「靓虾王」最终可以凯旋而归。

刘锡康自爆当年送「靓虾王」到日本比赛，曾经洗咗两千蚊澳元请一个自称识讲「马语」专家陪「靓虾王」坐飞机。 刘锡康话，「马语」唔系用把口讲，而系出身体语言表达，所以都唔知当年有冇比人骗，不过谂住二千蚊澳元就唔算贵，就「豪」一次试吓，因为马匹坐飞机时通常都会好惊，所以出一次海外赛，会瘦５０至１００磅，搵个识「马语」 人陪吓「靓虾王」，等佢唔使咁惊。 点知嗰次飞日本，「靓虾王」果然成只马唔同哂，一啲都唔惊之余，落咗机仲鬼咁开心，好似去旅游咁，最后仲赢咗头马，有１００万美金奖金咁多。 后来，「靓虾王」再次出外比赛，今次就飞杜拜，不过今次就冇识「马语」专家陪佢，最后「靓虾王」跑输咗个马鼻，赢倒２７０万美金奖金。 刘锡康又话，「靓虾王」赢唔倒杜拜赛事，唔知系咪同冇人陪佢倾偈有关，但就好肯定同骑师嘅策骑方法有关系，所以返香港之后，亦立即换咗个骑师嘞。（ｃｎ）

作者声明：在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。