《小传日记》A股高高高香江停不了,窝轮场热炒寿仔好架势!

《小传日记》香港今日（１１日）放晴，公司阿桂姐话今回真系会回暖，唔会再「失惊无神」又跌成十度喎。睇番个市，经过噚日（１０日）冲升之后，今朝初段就唔多晴朗，外围无乜惊喜，咁就借机消化整固，但去到２０３００点左近有支持。

午饭过后受祖国Ａ股连日创新高刺激，个市一口气反弹上２０５００附近，散场收２０４４９，升１０１点，成交再多啲，有５９１亿银。 ＊染蓝三国货贡献６０点，八号威番转家乡遥未见＊ 近期鱼缸造好番，花旗国更系连升８日，香江呢边上到接近上次顶位，开始遇到些少压力，传统蓝筹份子无甚表现，大象（０００５）稍为踏前６毛，收１３９﹒３蚊，但都就来返到１４０，另一只大只嘅中移（０９４１）亦只系微微行前。 八号仔成交大增，涨３％，小小超「系咁易」喺假期前增持３８万股，奈何蟹民对只股抽上已无甚反应，皆因有排都未见到家乡。八号仔威番转，但超人两只爱股就脚软软，只旗舰一号仔跌１％，只和黄（００１３）亦唔见近０﹒５％。再睇番其他地主佬，亦各走各，最威系四叔。 查实今日个市升得咁靓，好大程度系几只「染蓝」国货嘅功劳。鱼缸友观望一众Ｈ股放榜，部分则有预炒业绩，加埋祖国Ａ类鱼缸好强劲，搞到国货撑起晒全场，跑嬴蓝筹不特止，亦帮恒指一把，好似寿仔（２６２８）成为恒指贡献最大者，为指数加添近３０点，仲有建行（０９３９）同中石化（０３８６），加埋又进帐３０点。再睇番国指本身，散场收１０１４９，升１３６点。 ＊寿仔轮好??轮商扫正股，财险亦受捧招行炒业绩＊ 五行三保就快派成绩表，财险（２３２８）今日最威威，扬半成。深沪Ａ股连升多日，总市值已经过咗香江头，不过缸边散户都唔执输，借寿仔轮去参与升浪，贪其成本比较低，今日窝轮头四大升幅都系寿仔轮，搞到轮商扫货都扫唔切，结果寿仔正股被踢高４％收市。 鱼缸友预计招行（３９６８）份成绩表有看头，事关公司话旧年工资税前扣除获得批准，可悭番９亿人仔咁多；另外，中信钱庄（０９９８）下礼拜开始招股，招行作为佢「影子股」，受到带动抽高４％。 中石化（０３８６）上升引擎启动，扬４％；金属份子以江铜（０３５８）同中铝（２６００）齐破顶，各升６％同８％。缸边人语，中铝积极扩大原铝产能，藉此减少对氧化铝外销依赖，仲有系公司做好准备回归Ａ股，多项条件均有利鱼缸友落镬。 ＊江铜加中铝再一次破顶，急升复急滑股仔过山车＊ 股仔方面，炒得过份者出现滑坡，噚日（１０日）劲升之世城（０３５５）同华亿（０４１９），分别急滑１９％同１１％。另边厢，软迅（８１８２）、华亿同太元（０６２０）亦俨如过山车，纷纷破顶后倒插。 力华（０１５６）倾掂天津租约搞购物娱乐中心同百货店，一于喺内地大搞零售业，一度上到０﹒５８蚊，散场回至０﹒４４５，升６％。 冠中（０１９３）供股股份已开始买卖，今日成交急增，最高去到９﹒９仙，终场收８﹒７仙，升３２％；供股后大股东持股量维持２２﹒５２％，炒友话可能未收够货，仲有得睇高啲云云。 ＊厚德村商户促领汇赔偿，两铁搞合并等得好心急＊ 发生大火后停业近两个星期嘅厚德村街市，领汇（０８２３）今早安排受影响嘅商户入内，点算损失同攞番简单嘅财物。部分商户话街市内又黑又臭，另外有５０几个受影响嘅商户，喺街市外面集会，要求领汇先给予３个月租金嘅补偿。 小传有个客，住喺将军澳裕明苑，呢排个市咁旺，但反而少咗上嚟??机，佢话楼下街市自从「封」咗之后，要「行」去隔离村买餸，来来回回要花多个几钟头，认真唔便，仲搞到冇晒时间喎。商户叫苦，居民又唔方便，领汇都唔好得去边；近排个价都反覆偏软，跑输大市。 另一只「枕?古苁浯笫袉�系地铁（００６６）；两铁合并一拖再拖，搞到乘客同股民都同样心急。地铁委托港大民意研究计划访问５００市民，８４％支持两铁合并，７５％支持合并后减票价，另外有超过一半被访者希望早日完成合并�? 地铁强调将来合并之后，车费会即时调减，以沙田往观塘为例，可以节省３０％票价，而中环去大埔墟，单程可以悭番２﹒７银车费。两铁合并，仲要睇系咪赶得切通过条例，若然喺今个立法年度通过条例，预计今年最后一季落实合并，否则就要延迟嘞。请请? 侗嗾甙础繁纠杆崖藜慈杖让糯�闻，惟消息未经证实，《经济通》亦不保证内容之准确�? 本文只供参考之用，并不构成要约、招揽或邀请、诱使、任何不论种类或形式之 申述或订立任何建议及推荐，读者务请运用个人独立思考能力自行作出投资决定 ，如因相关建议招致损失，概与《经济通》、编者及作者无涉。

作者声明：在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。