《经济通专讯》有「股坛长毛」之称嘅港交所（０３８８）董事兼网上评论员Ｄａｖｉｄ Ｗｅｂｂ今日（１日）又再出动，于亚伦国际（０６８４）股东会「踩?梗�因佢老哥揸咗唔少货，佢炒股一向有点石成金之效，俾佢推介嘅股份往往能弹出，跑赢成条街，所以佢行踪引人注意�? 佢今日连番质问管理层点解水头充裕，但就无增加派息，管理层就话要留番啲资金收购，佢反驳公司１０年来都无做过收购，而家突然又话有，何解？ 管理层就话，虽然公司１０年都无买嘢，但唔代表将来都无，但佢老哥似乎唔多满意个答案，总好似唔系好信。

佢之后同小记讲，呢间公司甚少发展，而家扩展惠州厂房，同愿意投资机械化设备，表面都算好事，不过就认为回报率「麻麻地」，又话如果公司回报唔好的话，倒不如放咗啲股票，攞啲钱投资其他公司仲好喎。 睇嚟佢对「阿伦」似乎不再眷恋，有可能系「爱之心，责之切」，定系最终分手收场？睇嚟，两个人感情嘅事，外人好难揣测，出面第三者都系不宜介入。（ｋｌ）

作者声明：在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。