《花絮》人称「四叔」嘅李兆基今日(12日)出席恒地(0012)同恒发(0097)嘅股东会,唔只谈论投资新股嘅心得,就算佢几咁眉精眼企,亦俾一班娱记咬住唔放,追问细仔家诚同艺人徐子淇嘅婚事。 四叔话,好满意个新抱,但佢哋会旅行结婚,顺便环游世界,所以攞唔攞酒席要迟啲先公布,总之就神神秘秘,保持私隐,话个仔同新抱唔一定喺下周出发,亦无话去澳洲定系或去罗?? 传媒近日嘅「煲水」新闻好厉害,话新抱会收1亿礼金,仲话有楼送,但四叔就话礼物就一定有,样样都有啲,都系「普普通通」啦,而饰物都唔少得。 更有传李家双喜临门,四叔话新抱有冇喜,佢都唔知,话自己都好想抱孙,希望可以快啲有好消息。(vy) 作者声明:在本机构、本人所知情的范围内,本机构、本人以及财产上的利害关系人与所述文章内容没有利害关系。本版文章纯属个人观点,仅供参考,文责自负。读者据此入市,风险自担。 |